مع السلاااامه

موضوع: مع السلاااامه الأحد يونيو 22, 2008 1:12 pm

مع السلاااامه

لاصرت بايعني اشوفك ع خير مع السلامه دام مابه سلامه
قلت انتهينا قلتلك خير ياطير ماني بأول شخص يخسر غرامه
محذرك من قبلها الف تحذير لا عفتني بيعيف قلبي هيامه
ماني بميت لاولأحتاج تبرير صح الله لسانك وفر كلامه
بسمعك حبكه وفكره وتصوير وافهم عدل يامدعي بلفهامه
وجه الشعر ابيض ويحتاج تغير ودي تزين هالقصيده علامه
ماضيك الأسود بذكره دون تقصير كذا يكون بخد الشعر شامه
يصدق معي تعبير ويخون تعبير ياضيعة الشاعر بوقت انسجامه
يمكن خطا ادونك بالشعر مير لو ماحترمتك للغرام احترامه
ماكان حبك غير بس طعنتك غير علمتني معنى الندم والندامه
ماجاك مني اي زله وتقصير كل ماخطيت اعاتبك ببتسامه
حسبي ع الذكرى اذا هبت عصير ماعاد تنفع شرهتي والملآمه
البال ظامي وقتها والحزن بئر خسرتك وهمي كسبت إهتمامه
والليل فازعلك كذا جاني مغير ظلمتني واكثر ظلمني ظلامه
لأقبل علي اوحيت صوت المسايير وفزيت وكل ضيف اقوم بمقامه
وليا عزم هالليل ضيقه وتفكير قلي بربك كيف بقدر انامه
مافيه داعي للعتب والمعاذير الغدر خال الجرح واطيب عمامه
اما يجيب الله مطر تاليه خير والا السلامه ماش مابه سلامه...