موضوع: اعترف( اني نسيتك) الأحد يونيو 22, 2008 1:42 pm
أدري اني في حياتك وجودي والعدم واحد وادري اني عندك مو مهم تصدق عاد مكثرها جراحك وعلى رغم جرحي ما فكرت ازيد لك جرحك تصدق رغم تعذبيك أحس فرحي والجرح واحد
كثير أيام مرت بي تمنيت موتي ولا هجرك وعلى كثر صدك لي تمنيت تجرحني كانت الآلام تخنقني ودموعي تحرقني صحيح قلبي المذنب وهو اللي اختار حبه لك وصحيح اني ما فكرت ان المحبة ما تجي بالغصب ولكني رغم كل هذا حبيتك
والحين أبي اعترف بأشياء ترددت أقولها لك أبي أقول اني حاليا نسيتك كثر ما اشتقت أحبك شلتك من حياتي كثر ما أبيك فيها خلاص لا تتوقع أقول لك محبوبي وإلا أحطك ضمن أوراقي نسيتك نسيتك نسيتك على كثر ما اشتقت احبك
اشتقت احبك ليه مدري؟! يمكن لأني تركت حبك يمكن لأنك قاسي رغم طيبة قلبك يمكن لأنك تصدني وأنا اقرب منك ياخي لا تصدني الحين ما ابيك انا لنفسي ولا أبي منك شي ما أبيك انت بكبرك ولا بكل شي فيك ما ابيك صدقني خلاص عن حبك أنا تبت مدري يمكن تفرح باعترافي وتقول هم وانزاح مدري يمكن يأثر فيك صدي كثر ما صدك مأثر فيني
ما ابي تقول لي شي أو تحس بالحنية بس تذكر شي واحد اني حبيتك بإخلاص نية وتذكر غيرتي اللي كنت ترفضها اللي تحرق القلب وانت مستانس أبعرف وش عليه انت مستانس؟ عشان اني انا احترق وانت تتركني عشان اني حبيتك وانت رافضني ولا وش اللي يدور في بالك؟ خل الناس تحس اني مجروح وخلهم يشوفون دمعي عادي وش فيها يعني انا مو أول شخص تجرحه بيدك ولا تتسبب في دمعاته وفي الأخير أرد واعترف لك نسيتك كثر ما اشتقت أحبك
الرئيسية 
البوابة 
أحدث الصور 
التسجيل 
دخول 
الأحد يونيو 22, 2008 1:42 pm